Servizos da OTC

O plan de traballo da OTC centra a súa atención en tres puntos clave:

• Difusión: inicia cunha presentación a organismos públicos, como a Diputación e o Concello de Lugo, promovido pola Confederación de Empresarios de Lugo. A seguinte fase implica asociacións empresariais e entidades sociais, buscando o apoio de diferentes sectores. Na terceira fase, a presentación esténdese a concellos e Grupos de Desenvolvemento Rural, co obxectivo de alcanzar máis profesionais. A cuarta fase inclúe a promoción en todos os 67 concellos de Lugo e a conexión con empresas locais. Finalmente, na quinta fase, realízanse accións de sensibilización e formación en toda a provincia para diferentes grupos, incluíndo escolas, colectivos sociais e a poboación en xeral.
• Acompañamento: Durante a fase de difusión, ofrecemos mentoría individual ou colectiva para grupos pequenos na creación de comunidades enerxéticas, asesorando en áreas específicas para promover o ben común e facer que a poboación sexa un axente activo no mercado enerxético, coa representación en cada comunidade por entidades locais, empresas, particulares e entidades sociais, con soporte de servizos externos especializados en enerxía.
• Asesoramento: O asesoramento para a creación de comunidades enerxéticas inclúe acompañamento e difusión, con asesoramento individual ou grupal, abarcando os ámbitos administrativo, técnico, xurídico, social e económico. No ámbito administrativo, trata a xestión de axudas do IDEA ou INEGA; no técnico, a elección da mellor enerxía renovable para a comunidade; no xurídico, a constitución legal da comunidade; e no ámbito social e económico, destaca os beneficios sociais e económicos do aforro enerxético mediante proxectos viables en cada comunidade (autoconsumo, enerxía solar, eólica, biomasa, geotermia, mobilidade sostible). Todo isto apoia a creación das comunidades enerxéticas.